निळ्या वातीच्या उजेडी

उभ्या भरगच्च पिकात कसा येईना ढेकर?
घाम गाळून गाळून मला दिसेना भाकर !

नाही शिकले मी शाळा दुख्ख पाचवीला पूजले

ढकलत सार आयुष्य सुख गर्भात कुजले !

भूक चिकटे पोटाला नाही दाणही चाखाया

आहे फाटक लुगड लाज नागडी राखाया !

देव देवळात बसे आहे का त्याला लाज ?

आम्हा नागड करून तो मढविती साज !

निळ्या वातीच्या उजेडी स्वप्न वटीत बांधते

आटलेल्या थानाला भूख लेकरू लोचते !

धन्यासंग रडताना रात सरता सरेना

उबदार मिठीत पाखरू धरता धरेना !

नाही लावली आम्ही दोन्ही हाताना ती धार

माझी लेकर करतील उद्या गरीबीवर वार !!