एकता

विसरूनि सारे भान हरपुनी सच्चा कलेचा भोक्ता
पुढे चालला एकोप्याने कलाप्रेमींचा जथ्था ..... !! धृ् !!

एकता ... एकता ... एकता ... (कोरस)

मराठी आमुची मायबोली
नाटक अन सिनेमाची जोडी
जपुनी वारसा नृत्याचा
आम्हा लागली कवितेची गोडी
अपयश जाई माघारी आता आम्हा न रोखता !!1!!

एकता ... एकता ... एकता ... (कोरस)

जाती-धर्रमाच्या भेदुनी भिंती
प्रान्त, रूढींच्या सोडुनि गाठी
जमुनि सारे मंचाभोवती
विशुध्द कलेच्या वृध्दीसाठी
स्वप्ने बांधुनी डोळंयांना आम्ही चाललो न वाकता !!1!!
एकता ... एकता ... एकता ... (कोरस)

आम्ही धुरंदर, आम्ही कलंदर

आम्ही उद्याचे तारे

आमुच्यासाठी खुली कवाडे

उभे ठाकले आभाळ सारे

दाही दिशातून आवाज घुमला आरोळी ठोकता !!३!!

विसरूनि सारे भान हरपुनी सच्चा कलेचा भोक्ता
पुढे चालला एकोप्याने कलाप्रेमींचा जथ्था .....