न घेतलेलं चुंबन

न घेतलेलं चुंबन

कित्येक बायकांच्या उबेत
कितीही शाकारून घेतलं मन
तरी तुझं न घेतलेलं चुंबन 
अजूनही पेटत राहिलयं देहभर.
फाकलेल्या पायांमध्ये
सुखाचा अर्थ शोधता शोधता
पुरता देहबंबाळ झालोय मी
माझ्या सर्वच प्रश्नांची उत्तरे असलेले तुझे डोळे
मी अजूनही शोधतोच आहे.
तू अवतीभवती बागडायचीस
अन् ती जागा माझं तीर्थक्षेत्र होऊन जायची.
चार अंगुळे आभाळ
चिमटीत धरण्याची स्वप्नं पहात
तू कोणत्या अवसानघातकीवेळी
पुसट होत गेलीस हेही कळलं नाही.
भानावर आलो तेव्हा
अपराधीपणाची वाळवी लागलेली मेंदूला
नि मरणापर्यंतची हुरहूर जीवाला
मग मी
मनातल्या मनात स्वप्नांची तिरडी आवळली
अन्
मृत्यूचं चुंबन घेण्यासाठी ओठांचा चंबू केला.....
~~

🍂 भगवान निळे